in diem vivere

Hinding hindi ko na ulit uulitin ito. Hindi na ako bibili at magpapabili ng damit na nagkakahalagang P500. Masakit sa bulsa, pare. Hindi ko naman kasi normal na ginagawa na bumili ng damit na ganyan kamahal. Hindi talaga. Jusko, kung sa sale ko na lang sana ibinili yan, naka-apat pa sana ako diba? Kasi naman eh.

Madaming batang nagugutom ngayon. Alam ko 'yon. Edi sana binilhan ko na lang sila ng pagkain, marami pa nasiyahan.

Nakakpanghinayang yun ah! O di sana, pinangkain ko na lang. Kaya lang, hindi ko rin naman mauubos ang pagkain ko kung nag-order ako ng pagkaing naghahalaga ng P500. Sira naman ang diet ko 'nun.

Kahit pa hindi ako yung nagbayad noon. Nakakahiya na, nakakapanghinayang pa! Sa kabilang dako, siguro okay lang din naman na gumastos ako diba? Hindi naman talaga ako gastadora eh. Bihirang bihira ako gumastos. Kaya siguro, ayos lang di naman.

Pero hindi eh, nakakaguilty.

Hello, P500?

Anak ng tokwa. Sa tanan ng buhay estudyante ko, ngayon ko lang naranasan na abutin ng ganitong oras sa pag-aaral ng lessons ko. Desperadong pumasa. Kamon, siyam na chapters ng Anthro, ni-isa walang nai-discuss. Tanging dokyu lang ang meron. Tapos test agad? Samahan mo naman ng paper sa Comm II? Salamat naman sa napaka-toxic na buhay.

At umiral na naman ang pagiging sarkastiko ko. :)

Kung mamalasin ka nga naman. Hindi ka na nga natulog, hindi pa natuloy ang test mo sa Anthro. At ngayon, nag-kacramming ka sa Comm II paper mo na sana ginawa mo na lang kung sinabi ng prof mo na hindi siya mag-papatest ngayon. Peste.

Gusto ko lang malaman ng aking mga mambabasa na buhay pa ang may-ari ng abandonadong blog na ito. Ipagpaumanhin niyo, ngunit ako'y abala sa mga gawain sa eskwelahan ngayon. Yuck. Tama na nga yung matalinghagang Tagalog na 'yan. Basta kung ano na lang maisip ko, yun ang aking i-tatayp. Ayon, sabi ko nga buhay pa ako. Busy ang talaga ako sa school. Taeng Comm II kasi 'yan. Napaka-toxic. Heto nga't sinabay siya sa long exam sa anthro. Like hello?! Siyam na chapters at dalawang dokyu para sa exam at wala ni isa ang naituro dun ng prof. Good luck naman sa akin diba?

Diyos ko, masisira na yata ang ulo ko. Akala ko ma-eenjoy ko ang majors ko ng second sem. Tanging Psych na lang ang kaligayahan ko. Haaaay. :)

Sobrang proud naman ako dahil pumasa ako sa first departmental exam namin sa Math! Haha. Nagfeelingerang genius na naman ang lola mo. Pero ganoon talaga, ang sarap ng feeling ng pumapasa ng hindi nag-aral samantalang yung ibang mga kasabay mong nag-aral sa exam ay mangiyak-ngiyak na sa hirap. (O sige na nga, nag-aral ako, pero 4 na oras para sa isang long exam? Duuuuuhhh. Kulang kaya 'yon!)Haaaay. Salamat kay Lord, hindi naman niya ako pinabayaan. Salamat na rin sa brain cells ko na nakakaala pa ng mga lesson na tinuro ni Prof. Rubio.

Speaking of Prof. Rubio, sino nga naman ba ang makikinig sa kanya habang siya ay nagtuturo? Sa ganda niya, mapapatitig ka na lang talaga sa kanya. Diba ano, Terrence? Hahaha. :))

Naipasa ko rin yung unang test sa Socio! Hahaha. Huli akong natapos sa test. Si tanga kasi hindi nagbabasa ng instruction sa test. Pero napabuti ako. Na-perfect ko yung isang parte ng test ng hindi sinasadya. Hahaha. Sabi na eh, ang katangahan, di lahat ng oras ay nakakasama. Mwahahaha. :))

Wala namang kwenta itong entry ko eh. Puro na lang buhay acads. Haaay ewaaan. Kanina pa nga ako nasa harap ng PC. Nasayang pa yung 1hr 10minutes sa internet card ko. Dapat kasi mag-disconnect muna para makalibre ka ng internet access. Tinamad ako. Nasayang yung internet card. Haaaay. Bale, bibili na nga lang ako.

Sige na nga, mag-aaral na muna ako sa Anthro exam para sa Tuesday o di nama'y gagawa muli ng Comm II paper. Haaay. Napakatoxic ng buhay!

Grabe ang tagal ng pag-hihibernate ko. Dalawa o tatlong linggo. Sa totoo lang, hindi pa naman talaga busy sa school eh. Katunayan nga, nagagawa ko pang mamasyal sa SM North kapag Lunes dahil 11:30 pa lang ng umaga ay tapos na ang klase ko.

Teka, bago ang lahat... siguro medyo mahaba-habang kwentuhan ang gagwin ko ngayon. Sana lang, huwag akong tamarin sa pag-tatayp dito sa keyboard. Kung hindi, udlot na naman ang update ko. Para lang sa wala ang entry na ito. In short, basura. Trash

Na-realize ko, pangit pala ang schedule ko ng Tuesday at Friday. Kasi naman, rush hour eh. Sobrang tagal ng biyahe ko. Ang hirap pa sumakay ng FX. Kaya naman ang drama ko, sumakay ng jeep at sagapin lahat ng polusyon ng Maynila. Hindi kaya ako magka-TB nito?

( Ang pagsusumpa ko kay Manny Pacquiao )

Acads naman. Ayus lang. Gusto ko ang mga subjects ko ngayon. :) I'm starting to like Math11 but no 3.0 please. Omaygad. Wag naman Lord! Enjoy ko talaga ang NatSci4! :) Naalala ko tuloy yung Earth Sci days sa QueSci. Sana nga lang mas magaling yung teacher. Hehehe. I'm mean! I'm not saying na hindi magaling yung teacher namin sa QueSci. Of course not. Scientians, you judge. ;)Psych 101 at ang aking dream diary. I was never dedicated in keeping a journal. I never was. Pero ngayon, araw-araw may laman yung dream diary ko. The rest of my subjects are pretty okay too. It's just that I'm enjoying these three more.

Maligayang Pasko po! Bago na ang Liturgical Calendar ng simbahan. Advent na! Eto ang paborito kong panahon sa buong taon. Masaya kasi lahat ng tao. Tapos lahat ng mga kamag-anak namin, nakikita ko dahil mga 4-5 beses lang naman sa isang taon kami nagkikita-kita kaya sobrang pinaka-iintay kong araw ito. Hindi naman sa sabik ako sa regalo't aginaldo. Sa totoo lang, mas gusto ko na ako yung nag-bibigay. Ang sarap kasi sa pakiramdam eh. At nag-uumpisa na rin ako ng aking Christmas gift-hunting.

Pinaplano ko nga rin mag-garage sale sa bahay namin. :) Para naman marami-rami akong kyaw sa Pasko. :) Hahaha. Ngunit subalit datapwat, ayaw ng aking mga magulang. Kala ko raw kasi ganoon kadali mag-setup ng garage sale. Ehem. Excuse me po, nabasa ko po sa diyaryo (Salamat sa PDI) ang tamang paraang ng garage sale. Kaya abangan niyo na lang kung dinudumog na ng tao ang bahay namin. :)

Oo nga pala, sa darating na Sabado, ELGEE turns 3! Happy birthday! Magkikita-kita rin kami pagkatapos ng pagkahaba-habang siyam na buwan. Hindi na ako makapag-hintay.

Bago ko tapusin ang entry ko, nais ko lang mag-pasalamat sa LJ at naging feature nila yung isa kong entry dito, yung Ang Kwentong Timba at History I. Pakitayp lang po sa Yahoo or sa Google yung URL ko at makikita niyo. Maging yung entry rin ng bespren kong si Nadine na Si Banker at ang 26K ay na-feature din.





... At hindi ko alam kung kailang ang susunod kong pagbabalik.

Unang araw kong bumalik ng eskwela ngayon. Kumusta naman ang oras ng unang klase ko? Alas siete. Sa totoo lang, nag-alarm ako ng selepono ng mga alas kwarto y medya. Bumangon ako? Siyempre hindi. Tinatanong pa ba 'yan? Bumangon ako ng alas singko, naglakad patungong CR na parang lasing.

Umupo sa trono at di naglaon naligo na rin.
Nagbihis.
Nagsuklay ng buhok.

Sa loob ng trenta minutos, nagawa ko yan lahat. Laking gulat ng nanay ko ng bigla akong lumabas ng kwarto na bihis na bihis na mistulang handang-handa na talaga umalis. Pero hindi pa talaga. Wala pa akong baon! Hahaha.

Kumain ako. Isang subo isang taon. Hindi kasi ako sanay kumain sa umaga eh. Tanging Oreo, isang pirasong cheese bread at Dutch Mill ang laman ng tiyan ko.

Nag-toothbrush na ako.
Nagdasal.
Umalis ng bahay.
Humalik na kay Mommy at Daddy.

Teka nakalimutan ko ang panyo ko. May sipon at ubo pa rin ako ngayon.
Bumalik ako ulit ng bahay.
Kumuha ng panyo, humalik ulit kanila Mommy at Daddy.

Teka lang, nakalimutan ko yung selepono ko sa kama.
Balik ako ulit ng bahay.
Kinuha ang selepono. Umalis at hindi na humalik muli kanila Mommy at Daddy.

Bago pa ako nakaalais ng bahay, sampung minuto na iyon bago mag-alas sais. Diba alas siete ang pasok ko? Unang araw pa lang ng klase, bingo na kaagad ako sa Psyche professor ko.

Mabait si Lord talaga sa akin. Wala pa palang traffic ng ganoong oras. Maaga pa nga ako eh. Labinlimang minuto bago mag-alas siete nasa UP Manila na ako.

Naglakad ako sa corridors ng AS. Tahimik. Napaisip tuloy ako kung ngayong araw bang ito ang unang araw ng second semester.

Tingin sa kanan. Syet, walang tao.
Tingin sa kaliwa. May janitor na naglilinis.
Hala! Nasaan ang mga AS students?

Umakyat ako sa hagdanan patungo sa Psyche class ko. Tahimik pa rin. Sarado ang library. Wala pa yung guard at yung nagbabantay sa package counter.

Dumaan ako sa Cybernook, sarado. Tumingin sa kaliwa at tumungo sa DBS hallway. Hayun! Nandoon na sila. Mas maaga pa ang blockmates kong iba sa akin. Mga sabik sa second semester! (:

Dumaldal, dumaldal. Nag-intay hanggang alas-otso. Walang professor.
Sabi ng blockmate ko, "Tara kain, tayo!"

Kaya kumain muna kami. Bumalik din kaagad sa DBS hallway.
Nag-intay sa professor sa Sociology.
Naglaro. Nabuking ang pangalan ng crush ko.
Patay.

Labinlimang minuto bago mag alas nuebe, sumilip ang isang babae sa RH221. Siguro nasa mga early 30's pa siya. Nagtaka kung bakit wala siyang estudyante.

( ...Pagbabalik Eskwela )

Ngayong hating gabi ng Linggo, kinabukasan ay papasok na ako muli para sa second semester. Nasobrahan yata ako sa pahinga at kailangan malagyan na ng tuldok ang pagiging buhay baboy ko mula pa noong October 23.

( Registration Day )

Sa wakas, nakumpleto na rin ang classcards ko. May konting issues sa aming block tungkol sa grades na natanggap namin sa tatlong subject pero wala naman kami magagawa na doon dahil naisumite na sa College Secretary. Pero kuntento naman ako sa mga nakuha ko. Pwede na siya pero kaya ko pa sigurong pataasin.

Nalulungkot lang ako, gusto ko kasi sana yung 1.25 ko na grade sa History ay sa BehSci101 na lang. Pero ganoon talaga.

Hindi na ako makahintay na mag-umpisa ang second sem. Maaga nga ang pasok ko eh. Kumusta naman ang gising ko? Balik HS days ang gising ko. Mahirap talaga kapag nasanay ka ng first sem eh alas dies ang pasok mo. Ngayon alas siyete ang una kong klase. Ipagdasal niyo akong huwag ma-late.

( Schedule ng Second Sem )

Gusto ko nang sulitin ang huling araw ng bakasyon ko. Mag-puyat at mag-internet. Siguro nagawa ko na naman ang galang gusto kong gawin noong wala pang pasok. Sa pasalit-salit na araw yata ay nasa SM North Edsa ako at nagpupunta rin ng QueSci. Kahit ako lang mag-isa ang nag-iikot, medyo nalilibang rin naman ako. At saka, nagkita rin naman kami ni Karmel at gumala sa SM. Nag-sulit rin pala ako ng unlimitxt ng Globe. (: Late nagigising. Kumakain every 4 hours. Nababasa ng pocketbook. Nagkita-kita rin kami ng mga extended family members at nagsalo-salo ng kaunti. Ganoon lang naman ang takbo ng buhay nung sembreak ko.

*//

Gusto ko pumunta ng Mall of Asia. Gusto ko mag-unlimited ice skating bago mag-Pasko at makita ang malaking Christmas Tree nila doon. Samahan mo ko, bespren! (: Nyahaha. Siyempre, pwede bang hindi mag-picture taking?

*//

O hindeeee! Kailangan mag-adjust kaagad ang body clock ko sa paggising ng umaga. Kumusta naman ang pagpupuyat ko?

Nakuha ko ito sa http://yoopee.multiply.com

( Sulat ng Taga-UPLB )

*//

Gusto ko lang sana mag-react. Noon kasi, gusto ko talaga mag-UPLB. Lalo na nung nalaman ko na mataas ang cut-off ng Diliman at Manila noong nag-rereview classes pa lang kami. Kaya lang, hindi naman ako pinayagan ng mga magulang ko. Bilang unica hija at nag-iisang anak nila, takot sila na kung ano ang mangyayari sa akin. Sanay kasi ako na tinatratong parang bata dito sa bahay kaya siguro ganoon.

Walang ka-konekoneksyon yung mga unang pinagsasabi ko. Gusto ko lang talaga sabihin na gusto ko rin sa UPLB sana mag-aral at hindi dapat ganoon ang pag-sstreotype nila sa UPLB. Hindi naman ibig sabihin na nasa liblib na lugar sila, eh hindi na sila matatalino. Hindi naman yata patas 'yun. They made it in UP, therefore they kick ass. Tsaka, depende naman iyan sa pinipili mong kurso. Eh kung gusto mo ba yung kurso mo sa LB, kahit pa magsaka ka, basta iyon ang sinasabi ng puso mo na kuhanin mo, edi sige! Kasi ang isang gawain, kapag gusto mo, hindi iyon gawain para sa iyo. Ginagawa mo siya kasi nag-eenjoy ka. Dagdag pa, nasa Diliman ka nga, bumabagsak ka naman dahil hindi mo gusto yung kurso mo. Once you are in UP, make yourself worthy of being there. Naalala ko yung sinabi ng professor ko sa Philo I. "Are you sure you are a UP student? Baka naman pang-Adamson ka lang?" Masakit 'yun ha!

Sabi ko nga nung nag-comment ako doon sa multiply page ng UP, ang importante yung diploma mo galing sa university, kasi kapag UP ka alam nilang matalino ka at better trained ka. (paraphrased)

Sa totoo lang kasi, batay sa karanasan ko... Mental at physical torture na ang pinagdaanan ko nung first semester. Hindi naman literal pero ang araw-araw ay mahirap. Kung tutuusin, madali pa lang naman ang first semester ko dahil GE lang ang subjects ko. Pero ang pagpatung-patungin yung ginagawa mo at sanayin ang sarili mo sa tamang time management. Iyon ang mahirap.

Pero wala akong sinasabi na hindi magagaling ang mga estudyante from other schools. Sabi nga ng nanay ko, nasa estudyante lang 'yan.

Hindi ko alam kung inuubo lang ako. Hindi ko rin alam kung sore throat eto dahil masakit na rin ang lalamunan ko sa kakaubo para matanggal yung kati. 'Wag niyong tutularan ang ginawa ko. Isang linggong Cerealicious maganda sa katawan niyo pero hindi sa lalamunan niyo.

Haynaku, hindi ko alam. Ganito pala ang epekto ng Cerealicious. Isang linggo ko na kasi pinupuntirya 'yun. Araw-araw ka ba naman kumain ng matamis na may malamig na gatas na smoothie ang tawag. Hindi naman kaya masugatan ang lalamunan mo?

Samahan mo pa ng pagkanta ko ng walang katapusan. Hindi na naawa sa boses. Kaya pala nung mga Wednesday na, sabi ng Mommy ko, parang iba raw yung boses ko. Eto na nga. Epekto ng pagkain ng Cerealicious.

Pero sa totoo lang, hindi mo naman talaga mapipigilan sa oras na naumpisahan mo na kainin. Siyempre gusto mong matapos lahat kainin yung mga flavors na binebenta nila. Sinubukan kong gawin, pero isang flavor isang araw lang ang kaya ng pera ko. Kinaya ng bulsa ko pero hindi ang lalamunan ko.

Kaya kayo, kung i-aattempt niyo na gayahin itong ginawa ko. Mag-isip ka muna kung handa kang gumastos ng malaki sa pagkain mo ng lahat ng flavors atsaka bumili ng gamot para sa lalamunan mo. (:

o1. Pick your birth month.
o2. Strike out anything that doesn't apply to you.
o3. Bold the five-ten that best apply to you.
o4. Copy to your own journal, with all twelve months under an LJ-cut

( SEPTEMBER )

Mga explanasyon
Suave and compromising. Marunong ako makibagay. Ika nga nila, napaka-flexible kong tao. Kahit sinong tao ipaharap mo sa akin, siguradong magkakasundo kami.

Careful, cautious and organized. Maingat ako. OC nga raw eh. Yung tipong magkamali lang ng isang letra sa pagsusulat ng notes, punit na kagad yung pahina ng notebook. Nasasayang nga raw sa akin ang mga puno sa Earth eh.

Likes to criticize. Takte, normal na sa akin ito. Deal with it kung ayaw mo mapaaway sa akin. Napaka-striaghtforward kong tao. Sinasabi ko talaga yung mali ng mga tao, mga ayaw ko sa kanila ng diretsuhan. Pero medyo marunong na akong mag-daan ng criticisms ngayon sa pasakalye.

Stubborn. Ay hinde naman ako masyadong stubborn. May mga pagkakataon lang kasi sa tingin ko ay may magagawa naman yung pagsuway ko. Pero madalas, sumusunod ako.

Quiet but able to talk well. I'm never quiet. Sorry. Pero ang pagiging P.R.O ko at ang mga experiences ko sa pag-eemcee sa mga programs ang nagpapatunay dito.

Calm and cool. Sa unang tingin, mukha raw akong kalmado, mabait at hindi nagagalit. Siguro applicable din ito kapag tulog ako.

Kind and sympathetic. Maraming kaibigan ko ang nagsabi na ako ay mabait. First impression sa akin lagi, hindi marunong magalit. Akala lang nila 'yun. Supladita kong ito! Hahaha. Atsaka isa rin daw ako sa pinaka-generous nilang naging kaibigan. (: Salamat sa mga nag-sabi noon sa akin. Sympathetic? Depende sa sitwasyon. Pero, ayon kay Pish, ako ay may talento sa pag-coconsole.

Concerned and detailed. Grabe, dapat yata pakialamera na at hindi concerned. Kasi pati kaliit-liitang detalye, binibigyan ko yata ng pansin. OC nga raw ako, di ba?

Loyal but not always honest. Oo, totoo loyal ako. Loyal sa kaibigan. Kahit nga ginagag* na ko ng kaibigan ko, hindi ako nawawalan ng pag-asa na makakasundo ko siya ulit, dahil kaibigan nga. Pagdating naman sa honesty, lahat naman ng tao nag-sisinungaling hindi ba? Pero more often than not, nagsasabi naman ako ng totoo. Lalo na sa magulang ko, ayaw ko silang niloloko. Kasi mahirap nang hindi ka pagkatiwalaan ng magulang mo.

Does work well. Kapag gusto ko, I'm giving it my all. Kaya paid off lagi kapag seryoso ako sa mga trabahong ginagawa ko.

Very confident. Enough said. (:

Sensitive. Ingat lang kayo minsan sa mga sinasabi niyo. Kahit prangka ako, mahina naman ako sa mga nang-ookray sa akin. Away toooohh!

Good memory. Clever and knowledgeable. Naku, sa mga birthdays, ordinary days, mga pangalan ng tao, itsura ng tao pati sa acads madali akong nakakatanda. 'Wag lang talaga History ang papa-memorize mo sa akin. (Kaya ako nagtataka kung paano ako naka 1.25 sa HistoryI namin eh. Sa bagay, todo kayod naman talaga ko sa pagsusunog ng kilay diyan.)

Loves to look for information. Dahil nga usisera ako, mahilig din ako sa ganito.

Must control oneself when criticizing. Dahil mapapaaway ako kung hindi.

Able to motivate oneself. Kung kaya ko bigyan ng words of wisdom ang ibang tao, siyempre dapat sarili ko rin.

Understanding. Oo. Dahil compromising nga ako, dapat maintindihan ko ang mga sitwasyong nakahain sa akin, hindi ba?

Fun to be around. Enough said ulit. Sabog ako kasama. Punch lines ko raw, pamatay. Pero pag wala sa mood (i.e badtrip, malungkot, pagod) corny daw talaga ako bumanat o kaya walang natatawa.

Secretive. Yun 'yon eh. Hindi talaga ako vocal with emotions.

Loves leisure and traveling. Kahit mag-isa lang ako, nakakagala ako. Basta may pera. Haha.(: Daliii, Bora naman tayo oh!

Hardly shows emotions. See secretive.

Tends to bottle up feelings. Ditto.

Very choosy, especially in relationships. Mapili ako talaga. Tapos kapag gusto ko lahat yung nakahain na choices, nagiging indecisive ako.

Systematic. Oo. May systema akong sinusunod. Parang naka-inculcate na siya sa body clock ko.

*//
Nakuha ko ito kay Trinz

Kung mapapansin niyo, walang naka-slash. lahat kasi nag-aapply sa akin eh. (: kaya lang, yung naka-bold, yun yung obvious qualities ko. (: Intereseting ano?